ការបំផ្ទុះគ្រាប់បែក ២ កន្លែង នៅក្បែរក្រសួងកាពារជាតិនៃប្រទេសអាហ្គាហ្វនីស្ថាន បានសម្លាប់មនុស្សប្រមាណជា ២៤នាក់
ក្រុងកាបុល-ប្រទេសអាហ្គាហ្វនីស្ថាន៖
ការបំផ្ទុះគ្រាប់បែក ២ កន្លែង នៅក្បែរក្រសួងកាពារជាតិអាហ្គាហ្វនីស្ថាន
យ៉ាងហោចណាស់បានសម្លាប់មនុស្សប្រមាណជា ២៤នាក់
ក្នុងនោះក៏មានមន្ត្រីថ្នាក់ដឹកនាំនៃកងកម្លាំងការពារជាតិ ពីររូបផងដែរ
ដែលការវាយប្រហារនេះគឺជាទង្វើរបស់ពួក តាលីបង់។
អ្នកនាំពាក្យនៃក្រសួងសុខាភិបាល
លោក អ៊ីស្មេល កាវ៉ាស៊ី Ismail
Kawasi បានឲ្យដឹងថាមួយផ្នែកទៀតនៃការបំផ្ទុះនេះ គឺមនុស្សប្រហែលជា ៩១
នាក់ បានរងរបួស ហើយកំពុងតែទទួលការព្យាបាលនៅឯមន្ទីរពេទ្យ ។
អ្នកនាំពាក្យនៃក្រសួងមហាផ្ទៃ លោក សេឌីជ សេឌីជជី Sediq Sediqqi បានប្រាប់ថា មេប៉ូលីសស្រុកម្នាក់ និងកូនប៉ូលីស ៥
នាក់ដ៏ទៃទៀតក្នុងចំណោមនោះ បានស្លាប់ ។ អ្នកនាំពាក្យកំពូលនៃក្រសួងកាពារជាតិ លោក
មហាម៉េដ រ៉េដមេនីស Mohammad Radmanish បាននិយាយថា
ការបំផ្ទុះលើកទីពីរគឺជាការសងសឹកពីការសំលាប់ពួកក្រុមអ្នកវាយប្រហារ
ដែលបានធ្វើការវាយប្រហារលើកទីមួយទៅលើតំបន់នោះ
បន្ទាប់ពីក្រុមកងកម្លាំងបានជួបជុំគ្នានៅទីនោះ ។ លោកបានបន្តទៀតថា
ការវាយប្រហារមានទីតាំងនៅពេលដែលបុគ្គលិករបស់ក្រសួងកំពុងតែចាកចេញពីការិយាល័យរបស់ពួកគេនៅពេលថ្ងៃ
។ ប៉ូលីសផ្នែកស៊ើបអង្កេតជំនាញម្នាក់លោក ហ្វ៊ែឌុន អូបៀឌី Faredoon Obiadi បានប្រាប់ថា អ្នកដែលសំលាប់ក្រុមអ្នកវាយប្រហារគឺ ស្លៀកពាក់ឯកសណ្ឋានយោធា
ដូច្នេះទើបបណ្ដាលឲ្យមានការបំផ្ទុះជាលើកទីពីរ គឺជាការសងសឹក ។
លោកប្រធានាធិបតី អាស្រាហ្វ
ហ្គានី Ashraf Ghani ប្រមានទៅលើការវាយប្រហារនៅក្នុង សេចក្ដីថ្លែងការមួយថា
"សត្រូវរបស់អាហ្គាហ្វនីស្ថានបានបាត់បង់សមត្ថភាព
និងលទ្ធភាពក្នុងការវាយប្រហារមកលើកងកម្លាំងការពារសន្តិសុខនៃផ្ទៃប្រទេស
ដូច្នេះការវាយប្រហារច្រើនកើតមានឡើងតាមបណ្ដាផ្លូវសាធារណៈ, តាមទីក្រុងផ្សេងៗ,
តាមវិហារអ៊ីស្លាម, សាលារៀន
និងទៅលើប្រជាពលរដ្ឋសាមញ្ញ" ។
អ្នកនាំពាក្យរបស់ក្រុម
តាលីបាន លោក ហ្សាប៊ីហ៊ូលឡាហ៍ ម៉ូចាហីដ Zabihullah Mujahid បាននិយាយថា
ក្រុមរបស់គាត់បានទទួលជោគជ័យច្រើនទៅលើការវាយប្រហារ ។
ក្រុមបះបោររបស់គាត់បានវាយយកឈ្នះលើ ក្រុមកងកម្លាំងរបស់អាមេរិក និង
ក្រុមកងកម្លាំងរបស់រាជរដ្ឋាភិបាលអស់រយះពេល ១៥ ឆ្នាំមកហើយ
និងជាញឹកញាប់ការវាយប្រហារច្រើនធ្វើទៅលើក្រុមកម្លាំងការពារសន្តិសុខរបស់អាហ្គាហ្វនី
។
ប្រភព៖ Associated Press
No comments:
Post a Comment