សហរដ្ឋអាមេរិកនិងរុស្សីឈានជិតទៅដល់កិច្ចព្រមព្រៀងបញ្ចប់សង្គ្រាមនៅសីុរី

រូបភាពពី Al Jazeera

នៅក្នុងជំនួបនាទីក្រុងហ្សឺណែវ ប្រទេសស្វីសកាលពីថ្ងៃសុក្រម្សិលមិញ រដ្ឋមន្ត្រីការបរទេសរបស់សហរដ្ឋអាមេរិក លោកចន ឃឺរី និងលោកឡាវ រូវ រដ្ឋមន្ត្រីការបរទេសរបស់រុស្សីបានថ្លែងថា កិច្ចពិភាក្សារបស់់ពួកគេកំពុងឈានទៅមុខដើម្បីបញ្ចប់បទឈប់បាញ់មួួយនៅសីុរីនាខែកុម្ភៈខាងមុខនេះ ប៉ុន្តែយ៉ាងណាក៏ដោយភាគីទាំងពីរត្រូវសិក្សាពីកិច្ចព្រមព្រៀងតូចៗមួួយចំនួនទៀត។

លោកឃឺរីក៏បានបន្ថែមផងដែរថារូបលោកពិតជាចង់ឃើញលទ្ធផលជាផ្លែផ្កាមួយសម្រាប់ប្រជាជនសីុរី និងធ្វើឲ្យសន្តិសុខនៅតំបន់នោះមានស្ថេរភាពល្អប្រសើរឡើងវិញ ហេតុនេះហើយបានជារូបលោកនិងក្រុមការងារបាននឹងកំពុងលើកបញ្ហានេះមកពិភាក្សានៅទីក្រុងហ្សឺណែវដើម្បីស្វែងរកដំណោះស្រាយនយោបាយដល់ល្អប្រសើរមួយ។

សូមបញ្ជាក់ផងដែរថាកិច្ចពិភាក្សានេះមិនត្រូវបានលើកឡើងពីការជ្រើសរើសរាជរដ្ឋាភិបាលថ្មីជំនួសរដ្ឋាភិបាលលោកអាឡាសាដនោះទេ ប៉ុន្តែត្រូវបានផ្តោតសំខាន់ទៅលើការស្វែងរកដំណោះស្រាយដើម្បីបញ្ចប់អំពើហឹង្សា ដើម្បើជាការបើកផ្លូវទៅដល់ការផ្ទេរអំណាចដោយសន្តិវិធី។

 ប្រភពAj Jazeera